Waar kom die jeugskou vandaan:

Landbougenootskappe in SA het die behoefte geïdentifiseer om skoolleerders by landbou betrokke te kry. Die Nasionale Landbou Jeugvereniging is in 1999 gestig. Die primêre doel van hierdie organisasie is om ‘n liefde vir landbou te kweek by die jeug asook om die denkwyse van die jeug te verander sodat hulle betrokke kan word in die landbou deur middel van lewensvaardighede, beroepsrigtings, entrepreneurs en jeugskoue.

Tydens die jaarlikse Wes-Kaap en Nasionale Kampioenskappe neem leerders in 15 kategorieë deel naamlik:

Melkbeeste, Vleisbeeste, Vleisbokke, Melkbokke, Angorabokke, Pluimvee, Wedvlugduiwe, Wolskape, Vleisskape, Sierduiwe, Varke, Konyne,  Bereiding en Suiwelbeeste

WAAROM BIED DIE LANDBOU JEUGVERENIGING JEUGSKOUE BY LANDBOUSKOUE AAN?
  • Om deur middel van die Jeugskoue ‘n affiniteit vir die landbousektor by die jeug te kweek
  • Om leerders die geleentheid te gee om op buite kurrikulêre gebied deel te neem aan landbou verwante aktiwiteite
  • Om verskeie vaardighede by die leerders te ontwikkel en om spanwerk te bevorder
DIE KONSEP AGTER DIT

DIE JEUGSKOU IS GEKLASSIFISEER AS ‘N SPORT WAAR LEERDERS MET DIERE SKOU. DIE KIND SE VAARDIGHEDE WORD HIER BEOORDEEL EN NIE DIE DIER NIE. DIE SPORT BESTAAN UIT VIER AFDELINGS NAAMLIK:

  • Teoretiese Kennis: hierdie vraestelle word net geskryf tydens provinsiale en nasionale kampioenskappe. Tydens gewone streekskoue vra beoordelaars vrae aan skoumanne uit hul betrokke handleidings om hul kennis van hul dier te toets.
  • Was en voorbereiding: Die deelnemer word beoordeel ten opsigte van sy/haar vaardigheid om die dier te was en voor te berei, sodat die dier op sy beste sal vertoon in die skouring. Hierde afdeling vind slegs op Provinsiale en Nasionale vlak plaas.
  • Kennis: deelnemers moet oor n wye algemene kennis beskik van die dier waarmee hul skou, sodat hy/sy ‘n teoretiese toets kan skryf oor aspekte soos voeding, gesondheid en voortplanting. Hierdie toetse word slegs op Provinsiale en Nasionale vlak geskryf.
  • Vertoonkuns: Die deelnemers moet die dier tot die beste van sy/haar vermoë vertoon op grond van die voorgeskrewe riglyne en nasionale Jeugskou standaarde. Beoordeling vind plaas deur gekwalifiseerde beoordelaars.
TYD: 6 September 2017 om 13h00 nm

Moorreesburg 2017 SWARTLANDSKOU se Wes-Kaap Kwalifiserende Streeksskou is dan soos oudergewoonte weer die plek om te wees, 6 September 2017 om 13h00 nm.  Met ons Streeks Jeugskou doen ons net die Skouman gedeelte van die dissipline en die skoumanne se kennis word tydens die kampioenskap mondelings getoets.

Ons beoog om sowat ± 120 skoumanne te ontvang wat in die 9 dissiplines van die Jeugskou hier gaan kom deelneem. Skoumanne kom uit 7 verskillende streke hier teen mekaar kompeteer. Hulle is verbonde aan skole soos Augsburg Landbou Gimnasium (Hoër en Laer), Boland Landbouskool, Oakdale Landbouskool, Hoërskool Dirkie Uys, Laerskool Dirkie Uys, FD Conradie om net ‘n paar te noem.

Reels van inskrywings

Inskrywings fooie is R20.00 en ‘n afskrif van jou ID of geboortesertifikaat moet jou inskrywingsvorm vergesel. Die skou se bankbesonderhede kan verskaf word vir direkte inbetalings. Verwysings vir inbetalings is die Skouman se naam,van en afdeling van deelname.

Alle noodskaaklike inligting verskyn op die inskrywingsvorm rakende kleredrag, tye, ens. Geen laat inskrywings vir skouman klasse sal aanvaar word nie. Inskrywings en betalings moet voor of op die aangeduide sluitingsdatum die skoukantoor bereik.

Toeskouers kan ‘n warm baadjie, gemaklike skoene, sonblok en ‘n hoed inpak. Eetgoed en drinkgoed sal te koop wees by die Veepos, Kafee en Lions Stalletjie op die terrein. Alle Jeugskou betrokkenes verkry toegang deur HEK D van die skougronde.

Ons bied die volgende Deelname Skouman klasse aan

Vleisbees

Vleisskaap, Wolskaap

Boerbok, Melkbok, Angorabok

Pluimvee, Suiwelbeeste

JEUGSKOU ORGANISEERDER:

Magdel Mostert – SEL  0836677846   EPOS louwsbaken@cornergate.com

Borge van 2017: