7-10 SEPTEMBER 2022

Swartlandskou is een van die grootste Landbouskoue in Wes- en Suidkaap met ‘n besoekers getal van 10 000 plus.

Vanaf 1 tot 4 September 2021 sal daar weer ‘n uitmuntende skou aangebied word te Moorreesburg Skougronde. Met die goeie gesindheid van die gemeenskap, uitstallers, donateurs en borge is hierdie datum verseker een wat op die kalender aangeteken moet word!

In hierdie 88ste bestaansjaar bars Swartlandskou behoorlik uit sy nate en kan die skou, net soos in die verlede, spog met die tentoonstelling van die mooiste perde, beeste en skape. Mededingers kom van distrikte buite die gebied en neem ywerig deel aan die bedrywighede.

Optredes en vermaak wat vanjaar in die wyntuin aangebied word, het hoë prioriteit geniet en besondere aandag is gegee aan die samestelling van die program. Bekende kunstenaars in die Suid-Afrikaanse musiekbedryf sal verseker dat ‘n fees-atmosfeer geskep word wat niemand mag misloop nie!

Swartlandskou 2021 - GEKANSELEER

AAN AL ONS SKOUVRIENDE

SWARTLANDSKOU MOORREESBURG 1- 4 SEPTEMBER 2021

Swartlandskou het met die jare ‘n baie hoë standaard gestel en is trots op wat ons deur die jare vir ons borge, vertoners, uitstallers en gemeenskap daar kon stel.

In aggenome met die derde vlaag Covid epidemie en vlak 3 inperking, onsekerheid en veiligheid van ons gemeenskap, is daar na baie beraadslaging en alle moontlikhede in aggeneem, besluit om nie 2021 ‘n skou aan te bied nie.

Ons wil u hartlik bedank dat ons jaar na jaar op u samewerking kan staatmaak, want sonder u ondersteuning is dit nie vir ons moontlik om ‘n skou van so ‘n hoë gehalte aan te bied nie.

Besoek ons webblad www.swartlandskou.co.za vir beoogde aktiwiteite wat beplan word.

Bly veilig en spreek ons die vertroue uit dat ons u 2022 sien.

Vriendelike skougroete.

JACQUES BESTER

PRESIDENT